News Home     Site Home

சேலத்திற்கு விரைவில் மின்தீர்வு!!!

மேட்டூர் புதிய அனல் மின் நிலையத்தில் படிப்படியாக மின் உற்பத்தி அதிகரித்து உள்ளது. சேலம் மாவட்டம் மேட்டூரில் பழைய அனல் மின் நிலையத்தில் 4 யூனிட்டுகள் உள்ளன. இதில் யூனிட் ஒன்றுக்கு தலா 210 மெகாவாட் வீதம் 4 யூனிட்டுகளுக்கு 810 மெகாவாட் மின்சாரம் உற்பத்தி செய்யப்பட்டு வருகிறது.

இது தவிர புதிய அனல் மின்நிலையம் ரூ. 3 ஆயிரத்து 550 கோடி செலவில் அமைக்கப்பட்டு உள்ளது. இதன் மூலம் 600 மெகா வாட் மின்சாரம் உற்பத்தி செய்ய முடியும்.

இந்த புதிய அனல்மின் நிலையத்தில் பல்வேறு கட்டங்களாக சோதனை ஓட்டம் நடத்தப்பட்டு வருகிறது. இந்த சோதனை ஓட்டத்தின் போது ஏற்படும் கோளாறுகள் அவ்வப்போது சரிசெய்யப்படுகின்றன. பலமுறை கோளாறு காரணமாக சோதனை ஓட்டம் தடைபட்டு வந்தாலும் கடந்த மார்ச் மாதம் 30-ந் தேதி முதல் மீண்டும் சோதனை ஓட்டம் நடத்தப்பட்டு வருகிறது.

ஆரம்பத்தில் 180 மெகாவாட் மின்சாரம் உற்பத்தி செய்யப்பட்டது. தற்போது மின்சார உற்பத்தி படிப்படியாக உயர்ந்து வருகிறது. இன்று (ஞாயிற்றுக்கிழமை) காலை 375 முதல் 400 மெகாவாட் வரை மின்சாரம் உற்பத்தி செய்யப்பட்டு வருகிறது. மின்சார உற்பத்தியை 600 மெகாவாட்டாக உயர்த்த அதிகாரிகள் நடவடிக்கை எடுத்து வருகிறார்கள்.

நன்றி : மாலைமலர்

Share

Leave a Reply