News Home     Site Home

சேலத்தில் HCL வேலை வாய்ப்பு முகாம்!!

பெரியார் பல்கலைக் கழகம் சார்பில் இளநிலை-முதுநிலை பட்டதாரி மாணவ-மாணவிகளுக்கு வேலை வாய்ப்பு முகாம் நடக்க உள்ளது. 2011 மற்றும் 2012-ம் ஆண்டில் தேர்ச்சி பெற்ற பி.காம்., எம்.காம். ,எம்.பி.ஏ., பி.பி.ஏ., பி.ஏ.பொருளியல் படித்து முடித்தவர்களுக்கு கோவை டைடல் பார்க்கில் உள்ள எச்.சி.எல்(HCL) நிறுவனத்தில் அனலிஸ்ட் வேலைக்கு மொத்தம் 50 பேர் தேர்வு செய்யப்பட உள்ளனர். வருட சம்பளம் ரூ 1லட்சத்து 20 ஆயிரம் முதல் 1 லட்சத்து 50 ஆயிரம் வரை வழங்கப்படும். வருகிற 09/03/2013-ந் தேதி காலை 9 மணிக்கு சேலம் அம்மாப்பேட்டையில் உள்ள ஸ்ரீ சக்தி கைலாஷ் கலை மற்றும் அறிவியல் கல்லூரி வளாகத்தில் இந்த வேலை வாய்ப்பு முகாம் நடக்கிறது.

2010, 2011 மற்றும் 2012-ம் ஆண்டில் தேர்ச்சி பெற்ற எம்..எஸ்.சி. இயற்பியல், வேதியியல். உயிர் அறிவியல். எம்.காம் ஆகியவற்றில் தேர்ச்சி பெற்றவர்களுக்கும். இதே பாடபிரிவுகளில் 2013-ம் ஆண்டு கல்லூரி படிப்பை முடித்து வெளியேறும் மாணவ-மாணவிகளுக்கும் புளு லோட்டஸ் நிறுவனத்தில் வேலை வாய்ப்பு அளிப்பதற்கான முகாம் வருகிற 23/03/2013-ந் தேதி காலை 9 மணிக்கு சேலம் அம்மாப்பேட்டையில் உள்ள ஸ்ரீ சக்தி கைலாஷ் கலை மற்றும் அறிவியல் கல்லூரி வளாகத்தில் நடக்கிறது. எழுத்துத் தேர்வு, குழு விவாதம் மற்றும் நேர் காணல் அடிப்படையில் ஆட்கள் தேர்வு செய்யப்படுவார்கள்.

மேலும் விவரங்களுக்கு மாணவர்கள் தாங்கள் ஏற்கனவே படித்த கல்லூரிகளிலும், தற்போது படித்துக் கொண்டு இருக்கும் கல்லூரிகளிலும் தொடர்பு கொள்ளலாம் என்றும், பெரியார் பல்கலைக்கழக வேலை வாய்ப்பு அலுவலர் மற்றும் புவியமைப்பியல் துறை பேராசிரியர் முனைவர் வெங்கடாசலபதி மற்றும் ஸ்ரீசக்தி கைலாஷ் கலை மற்றும் அறிவியல் கல்லூரி வேலை வாயப்பு அலுவலர்கள் மணிகண்டன். விஜய தேவநேசன் ஆகியோரையும் தொடர்பு கொள்ளலாம் என்றும் பெரியார் பல்கலைக் கழக துணை வேந்தர் முத்துச் செழியன் கூறி உள்ளார்.

-சேலம்ஜில்லா.காம்

Share

Leave a Reply