News Home     Site Home

எழுதுகோல் சிற்பங்கள்!!!

ம் முன்னோர்கள் கல்லிலே செதுக்கிய சிற்பங்களை சேலம் பொன்னம்மாப்பேட்டை பகுதியைச் சேர்ந்த சரவணன் சாக்பீஸில் செதுக்குகிறார். அதுவும் எவ்வளவு பெரிய சிற்பமாக இருந்தாலும் ஒரு மணி நேரத்துக்குள் வேலையை முடிப்பதுதான் ஆச்சர்யம்!

சாக்பீஸ் சிற்பி சரவணன், ”நான் சேலம் பொன்னாம்மாபேட்டையைச் சேர்ந்தவன். எங்க அப்பா சேகர், அம்மா சரசு. நாங்க மொத்தம் நாலு பசங்க. நான் மூத்தப் பையன். எனக்குச் சின்ன வயதில் இருந்தே கலை ஆர்வம் அதிகம். அதனால், கோயில்களுக்குச் சென்றால் கோயிலின் கோபுரத்தின் மீது இருக்கும் சிற்பங்களைப் பார்த்து வியந்து ரசிப்பேன்.

எங்க அப்பாவிடமும், அம்மாவிடமும் எப்படி இவ்வளவு தத்ரூபமாக வரைகிறார்கள்னு ஆர்வமாகக் கேட்பேன். என்னுடைய கலை ஆர்வம் பின் நாளில் சிற்பங்களை வரையத் தூண்டியது. நான் 10-ம் வகுப்பு படிக்கும் மாணவன். என்னிடம் கற்களைக் கொண்டு சிலைவடிக்க தேவையான உபகரணம் இல்லை. என்னிடம் இருந்தது சாக்பீஸ் மட்டுமே. அதில் வரைந்து பார்க்கலாம் என்று ஊசியைப் பயன்படுத்தி வரைந்து பார்த்தேன். அடிக்கடி சாக்பீஸ் உடைந்துபோனது. பல முயற்சிக்குப் பிறகு அழகிய ஒரு பெண் சிற்பத்தைச் செதுக்கினேன். அன்று தொடங்கி சாக்பீஸில் சிற்பங்களைச் செதுக்கிவருகிறேன்.

தஞ்சைப் பெரிய கோயில், ஈஃபிள் டவர், பிரமிட், சீனப் பெருஞ்சுவர் இப்படி உலக அதிசயங்களும், கட்டபொம்மன், நேரு, காந்தி, பெரியார் என தலைவர்கள் சிற்பமும், கோயில்களில் இருக்கும் சாமிகள் சிற்பங்கள் உட்பட 100-க்கும் மேற்பட்ட சிற்பங்கள் செதுக்கி இருக்கிறேன். என் நண்பர்களுக்குப் பிறந்தநாள் என்றால் ஒரு சாக்பீஸ் வாங்கி அழகிய சிற்பம் செதுக்கிப் பரிசு அளிப்பேன்” என்கிறார்!

நன்றி : விகடன்

Share

Leave a Reply