News Home     Site Home

கோலாகலமாக கொண்டாடப்பட்ட சேலம் தினம்!!!!

ஒவ்வொராண்டும் நவம்பர் முதல் நாள் “சேலம் டே எனும் சேலம் தினம்” கடைபிடிக்கப்படுகிறது. இந்த ஆண்டு நவம்பர் நான்காம் நாள் ஞாற்றுக்கிழமை அன்று சேலம் டி.வி.என் திருமண மண்டபத்தில் அது சற்று விமர்சையாக கொண்டாடப்பட்டது. இண்டேக் மற்றும் தருணம் எனும் இரண்டு அமைப்புகள் சேலம் நகராட்சி உருவான இந்த நாளை கடந்த ஐந்து வருடமாக கொண்டாடி வருகிறது. சேலம் மக்களின் வரலாறு, கலை, பண்பாடு, பாரம்பரியத்தை நினைவுபடுத்தும் விதமாகவும், அதன் அருமையை உணர்த்தும் விதமாகவும் இந்த விழாவை நடத்தினர். அனைத்து சேலம் மக்களுக்கும் இவ்விழாவிற்கு அழைப்பு கொடுத்துதிருந்ததால் அன்று முழுவதும் கலை கட்டியது அந்த அரங்கம்!

வித்யா பீதம், க்ளேஷ் ப்ரூக், ஹோலி ஏஞ்சல்ஸ் போன்ற மெட்ரிக் பள்ளிகளின் மாணவ மாணவிகள் ஸ்டால்கள் போட்டு நம் பாரம்பரிய சின்னங்களை பற்றியும் நம் முன்னோர்கள் உபயோகபடுத்திய பழம்பெருமை வாய்ந்த பொருட்கள் பற்றியும் மிகஅழகாக விளக்கினர். முதலில் ராஜாஜி படத்தையும், அடுத்து பெரியார் படத்தையும் போட்டு சேலத்தில் பிறந்த தலைவர்கள் படத்தை எல்லாம் வரிசைபடுத்தி பேனர் செய்து இருந்தனர். பாரம்பரியமான சமையலை செய்து சுவையான உணவு வழங்கியதோடு இல்லாமல் அவற்றின் செய்முறை பற்றியும் அதில் உள்ள சத்துக்கள் பற்றியும் மாணவிகள் எடுத்துரைத்தது மிக மிக அருமை. அங்கு மதிய உணவுக்காக போடப்பட்ட ஸ்டால் இல் மறக்கப்பட்ட உணவுகள் என்று நம் பாரம்பரிய மற்றும் சத்தான உணவுகளை இன்றைய தலைமுறைனருக்கு ஏற்றார் போல் அமைத்திருந்ததும் வரவேற்க்கதக்கது!

பட்டிமன்றம், பரதநாட்டியம் என பள்ளி மாணவ மாணவிகள் அமர்களப்படுத்த, கையில் தீச்சட்டியும் தலையில் கரகமும் வைத்து நடனமாடிய ஒரு சிறுமி அந்த அரங்கையே அதிரவைத்தாள் எனலாம். மாணவிகளின் குடும்பம் பற்றிய நாடகம் நம்மை சிரிக்கவும் சிந்திக்கவும் வைத்தது. வண்ணத்து பூச்சிகளின் கூட்டமோ என வியக்கவைத்து கண்களுக்கு விருத்தளித்தது கண்மணிகளின் நடனம். கலைவல்லுனர்களின் கத்திசண்டை, கம்புசண்டை, மான்கொம்பு சண்டை போன்ற சாகசங்கள் அரங்கை மலைக்க வைத்ததுடன் பழங்கால தற்காப்பு கலைகளை நினைவுறும் வகையில் அமைத்தது பாராட்டுக்குரியதாகும்!

நமது சேலம் ஜில்லா டாட் காம் குழுவும் இந்நிகழ்வுகளில் பங்கேற்று சேலத்தின் பல்வேறு இடங்களின் அழகை புகைப்படங்களாய் கண்காட்சி அமைத்திருந்தோம்.

- ராதிகா கணேசன்
படங்கள்: கௌரி ஷங்கர், ஓபுலி ராஜ்.

Share

4 Responses to “கோலாகலமாக கொண்டாடப்பட்ட சேலம் தினம்!!!!”

  1. super!!!!

  2. Nice celebrations!

  3. good

  4. Wonderful celebrations

Leave a Reply